පනාගොඩ යුද හමුදා කඳවුරේ සෙබළෙකු කඳවුර තුළ සිටින අලියෙකු පහරදීමෙන් මරණයට පත්වී ඇතැයි හෝමාගම පොලිසිය පවසයි. ඉකුත් සෙනසුරාදා පෙරවරුවේ සිදුවූ මෙම අලි ප‍්‍රහාරයෙන් මියගියේ තිලින ඉසංක කුමාර නැමති 26 හැවිරිදි යුධ හමුදා සෙබළෙකි.
මොහු මාවනැල්ල ප‍්‍රදේශයේ පදිංචිකරුවෙකි. කණ්ඩුල නමින් හැඳින්වෙන මෙම අලියා පනාගොඩ කඳවුර තුළ ඇති දිය වලක නෑවීමට ගෙන ගොස් සිටියදී සෙබළාට පහරදී ඇත. බරපතල තුවාල ලැබූ සෙබළා කලූ‍බෝවිල රෝහළට ඇතුලත් කිරීමෙන් පසු මියගොස් තිබේ.
මෙම අලියා මීට පෙරද අවස්ථා දෙකකදී පුද්ගලයින්ට පහරදීම් වාර්තා වී ඇති බව හෝමාගම පොලිසිය පවසයි. මිය ගිය සෙබළාගේ මළ සිරුර පශ්චාත් වෛද්‍ය පරීක්ෂණයකට යොමු කොට ඇති අතර හෝමාගම මූලස්ථාන පොලිසියේ ස්ථානාධිපති ප‍්‍ර.පො.ප. පේ‍්‍රමලාල් මහතාගේ උපදෙස් මත සැරයන්(33440*, පො.කො.(94119* විමලසේන, පො.කො.(21118*උපතිස්ස, යන නිලධාරීහු පරීක්ෂණ මෙහෙයවති.
දිවයින පුවත්පත
No comments:
Post a Comment