2014-15 ලාකීය දේශපාලනයේ වැදගත්ම පරිඡේදයක් විය .2015 ජන 8 පැවැත්වූ මැතිවරණය විප්ලවයක ස්වරූපයක් ගත්තේය .එකල්හි රාජපක්ෂලා ධනයෙන් බලයෙන් ආඪිව සිටියහ
අතෙකින් සොරකම් කළ මුදල් ඇති තරම් විය .තවත් අතෙකින් චීන ආණ්ඩුව කළු මුදල් පොම්ප කලේය . ඒවායින් රාජපක්ෂලා මැතිවරණ අල්ලස් දුන්හ . හැම ලයිට් කනුවකම මහින්දගේ කටවුට් එකක් එල්ලූහ .
නමුත් ජනයාගේ බලා පොරොත්තු රාජපක්ෂලාගේ මුදල් වලට යට වූයේ නැත.රාජපක්ෂ චෞර රාජ්‍ය පෙරලා දැමීමට ඔවුන් සමත් විය.එය සැබැවින්ම විප්ලවයකි .මුළු ලෝකයම ඒ පිළිබද කතා විය.
නමුත් , අහෝ ! කෙතරම් අභාග්‍යක්ද ? විප්ලවය එහි නායකයා විසින් පාවා දුන්නේය. සිරිසේන ජනාධිපති ලෙස දිවුරුම් දුන් රාත්‍රීයේම පැජට් මාලිගාවේ සිට රාජපක්ෂලා සමග රහසිගත කම්මන්ත්‍රණයක් පැවැත් වූයේය .
ඉනින් මතු සිරිසේන සාක්ෂාත් කළේ විප්ලවයට දායක වූ 62 ලක්ෂයේ අපේක්ෂා නොව පරාජිත රාජපක්ෂලාගේ අභිලාෂයන්ය.
මෙම '' කැටස්ට්‍රොපිය '' සරලව මෙසේය. කුකුල් කො‍ටුවකට අරක් ගත් ලේ පිපාසිත නරියෙක් විය. දිනක් විශාල පරිශ්‍රමයක් දරා නරියා අල්ලා ගස් බැඳීමට කුකුලන් සමත් විය .
අහෝ එසේ බැඳ දැමූ නරියා කිසිවෙකු විසින් නිදහස් කලේ නම් මොන තරම් අභාග්‍යක්ද ? නරියා බැඳි වරපට ලිහා දැමුවේ කුකුලු රැහේ නායකයා විසින් නම් එය කවර නම් අභාග්‍යක්ද ?
ජනවාරි 8 විප්ලවයේ නායකයා ලෙස පත්කළ සිරිසේන සිදු කළේ එවැනි පාවා දීමකි. එපමනක් නොව රාජපක්ෂලා සමග එක්වී ජනතා අපේක්ෂා උඩු යටිකුරු කළ ප්‍රතිවිප්ලවයේ නියමුවෙක් විය.
සිරිසේන යනු ද්‍රෝහියෙකි . 62 ලක්ෂයක ජන හදවත් පලා ලුණු දැමූ අමනයෙකි.අහෝ! ජන හදවත් තුලට ඇසිඩ් ගසමින් සජිත් ඊයේ සිරිසේන ගැන ප්‍රසංශනාත්මකව කථා කළේය
“මම මෙතෙක්කල් දේශපාලනය කළේ විවිධ ප්‍රශ්න මැද්දේ. මට වැඩක් කරන්න දුන්නේ නෑ. මගේ කකුලෙන් ඇද්දා. මට අවහිර කළා. මං පැහැදිලිවම එක දෙයක් කියන්න ඕනේ. ඔය මොන ප්‍රශ්න තිබුණත් මට ජනතාවට වැඩ කරන්න උදව් කරපු එක මනුස්සයෙක් හිටියා. ඒ තමයි හිටපු ජනාධිපතිතුමා. මෛත්‍රීපාල සිරිසේන මැතිතුමා තමයි මට පුළුවන් තරම් හයිය දුන්නේ. දැන් මගේ පක්ෂය ඇතුළත කාටවත් බෑ මගේ කකුලෙන් අදින්න. එහෙම ඉඩ දෙන්නෙත් නෑ. එහෙම කකුලෙන් අදින කට්ටියට පුළුවන් පිටතට ගිහිල්ලා තම තමන්ගේ දේවල් ටික කරගන්න.”
හම්බන්තොට කිරින්ද ප්‍රදේශයේ පැවති විපක්ෂ නායක ජංගම සේවය වැඩසටහනට එක්වෙමින් සජිත් ප්‍රේමදාස මෙම අදහස පළ කළේය
No comments:
Post a Comment